CYMA buatsaih mistiri training ṭan

Central YMA hnuaia Training and Youth Affairs Sub-Committee buatsaih, Cement Mistirti Training chu nimin khan Central YMA Hall-ah CYMA treasurer J Lalsailova'n a hawng.

J Lalsailova chuan, CYMA-in kumpuan atan 'Ram leh hnam humhalh' a kalpui mekah Mizoram aṭanga hnam dang nêk chhuah theihna tur awlsam ber mistirti training chu an ngai pawimawh hle tih a sawi a; training-a telte chu chhawr tlak thiamna tak tak puak chhuah tum ṭheuh turin a chah.

Ram dangah training turin sum leh pai tam tak sen a ngai ṭhin tih sawiin CYMA Treasurer chuan, "Sum leh pai sen ngai miah loa training-na hun ṭha hi chhawr ṭangkai tum a pawimawh," a ti.

Inkhawm hi Training and Youth Affairs Sub-Committee chairman K Darthantluanga'n a kaihruai a, secretary joseph Vanlahruaia Sailo-in training buatsaih a nih dan tlangpui a sawifiah.

Training hian May 30, 2017 thleng a awh dawn a, Ai­zawl khawpui aṭangin mi 20 leh Aizawl pawn aṭangin mi 19, an vaiin 39 an tel a ni.

CYMA hian kum 2011 aṭang khan mistiri training hi ṭum eng emaw zat a lo buatsaih tawh a, tun hnai khan a buaipui tur bik Training and Youth Affairs Sub-Committee a din a, anni hian trai­ning ṭum hnih an buatsaihna a ni.