HSLC 2017-ah zirlai 10,628 an hlawhtling

Mizoram Board School Education (MBSE) chuan, High School Leaving Cer­tificate (HSLC) Exami­nation 2017 result chu ni­min chawhnu dar 2 khan a tichhuak a, zirlai exam 14,628 zinga 10,557 an pass a, pass per­cen­tage chu 72.17 a ni.

Laldintluanga s/o Lalengthanga, Marian High School, Serchhip chu pakhatna a ni.

Kumin HSLC Exami­nation-ah hian exam hma­chhawntu zirlai 14,628 awmin, regular student 14,528 leh private-a exam mi 100 an ni a; pass zawng zawng zirlai 10,557 zinga a tam zawk 5,444 chu hmeichhia niin, mi 5,113 chu mipa an ni.

Regular-a exam zingah 10,537 (72.53%) pass in, private candidate 100 zinga 20 (20%) an pass.

Zirlai pass 10,557 zinga 1,118 chu distinction-ah an pass a; first division-ah 2,989, second division-ah 3,779 leh third divi­sion-ah 2,671 an pass. Compartmental chance nei zirlai 204 an awm a; fail zat chu zirlai 3,867 an ni.

Compartmental chance neite tan MBSE chuan June 20, 2017-ah Aizawl leh district khawpui tina centre pakhat ṭheuhah exam a buatsaih dawn a, May 16 thleng centre superintendent hnenah exam form thehluh theih a ni ang.

District hrang hranga zirlai pass percentage zat chu - Aizawl district-ah 80.18%, Champhai district-ah 69.91%, Kola­sib district-ah 63.77%, Lawngtlai district-ah 55.20%, Lunglei district-ah 64.25%, Mamit district-ah 55.23%, Serchhip dis­trict-ah 78.71% leh Siaha district-ah 72.53% a ni.

Sorkar sikul aṭanga candidate 63.95% an pass a, deficit school aṭanga candidate zinga 96.17%, aided school aṭanga candidate zinga 67%, lumpsum school aṭanga candidate zinga 71,.84% leh private school aṭanga candidate zinga 77.22% an pass a ni.

Pass vekna sikul 73 a awm a, zirlai fail vekna sikul 26 a awm thung.

HSLC Examination 2017 Top 10
Rank Hming/ Pa Hming Mark School
1. Laldintluanga 474 Marian H/S Serchhip
Lalengthanga
2. Akash Jyoti Sahoo 473 St.Paul's HSS
Uttam Kumar Sahoo
3. Janam Supriya 469 Holy Cross School, Azl.
Janam S Rao
4. Lalthuammawii 467 Home Missions School, Azl.
P Lalnunpuia
5. Lalmalsawmi Hauhnar 466 St.Paul's HSS
Zothangliana Hauhnar
5. Vanlalvenpuia 466 Holy Faith School, Lunglei
Vanlalzawnga
6. C Biakdingliana 465 BC Lalthlamuana English
SC Lalnunmawia Academy, Champhai
6. Vanlalliani Pachuau 465 Holy Faith School, Lunglei
Lalhmingmawia Pachuau
7. Lallawmkimi 462 Helen Lowry HSS
Lalmama
8. Lalrinchhani 460 Mizo H/S
R Laiṭhuama
8. JK Lalkhawngaihi 460 BC Lalthlamuana English
Johny Lalthanmawia Academy, Champhai
9. Lalrinzuali 459 Home Missions School, Azl.
Hmangaihzuala
9. Lalremruati Lianhna 459 St.Paul's HSS
Lianhmingthanga Lianhna
9. Remalle Ruth Blessy 459 St.Paul's HSS
Remalle Emmanuel
9. Shailaja Dadhwal 459 St.Paul's HSS
Ramneek Dadhwal
9. TC Lalpekhlui 459 St.Paul's HSS
TC Lalruatkima
10. Jacob R Lalmuanpuia 458 Holy Faith School, Lunglei
R Lalṭanpuia