KHAWTHLIR

HSLC old course
MBSE chuan nimin khan HSLC (Old Course) Examination, 2017 result a tichhuak a, zirlai exam 433 zinga 205 an pass a, pass percentage chu 47.34 a ni. Distinction-a pass an awm lo a, first division-ah mi paruk, second division-ah mi 23 leh third division-ah mi 176 an pass a; zirlai 228 an fail a ni.

Thisen pe
Aizawla Fundamental Bapist kohhran ṭhalaite chuan, nimin khan Aizawl Civil Hospital-ah thisen unit 15 an pe a, a petute mipa 13 leh hmeichhia pahnih an ni.

Leiah tlân theih
Bairaibi-a Tlawng lei dawh thar chu zawh fel la ni lo mah se, May 1, 2017 aṭang khan hun bi neiin lirthei tê chi tlân ṭantir a ni. Thu dawn danin, Bairabi leiah hian lirthei tê chi tan zing dar 6-7 inkar, zing dar 9:30 leh 10 inkar, chawhnu dar 1-2 inkarah leh tlai dar 5-6 inkarahte tlan tlang phal a ni. PWD hotute chuan, kal theih hun dik taka vawngtu tur duty an dah.

Hman phal lo
GAD chuan thuchhuah siamin, lekhachaih nan nylon (Chinese dori/Manjha) te hmang lo turin mipui an hriattir a, "Lehkhachaihna atana khawl la (cotton thread) ni lo, nylon hman hi environment tan a him lo hle a ni," an ti.

Synod office annexe
Synod office annexe building thar chu nimin khan Synod moderator Rev. Lalzuithanga'n Pathian hnena hlanin a hawng. In thar hi Zopa chhiara chhawng li a ni.

Veteran Cell
Mizoram, South Assam leh Tripura-a Assam Rifles sipai bángte tan Veteran Cell siam a ni. Zawhfiah duh nei tan Mizoram bika mite tan telephone no. 0385-2333688 leh e-mail though.811n@gov.in ah zawh theih a ni a, DGAR website www.assamrifles.gov.in ah enfiah theih a ni bawk.