PMAY-a dilna finfiah vek dawn

UDPA department chuan thuchhuah siamin, Pradhan Mantri Awas Yojana - Housing For All (Urban) scheme hnuaia dilna hmuh zawng zawngte chu enfiaha finfiah leh vek a nih dawn thu an tarlang.

UDPA department chuan, Housing for All aṭanga ṭanpuina dilna, UDPA department-a thehluh te, sorkarin a ruat agency/office te, Ministry of Housing and Urban Poverty Alleviation-in portal (inziah luhna) leh state sorkarin common service center (CSC)-a inziah luhna a siam hmanga dilna lut zawng zawngte chu department-in an finfiah leh vek dawn tih an tarlang a ni.

UDPA thuchhuah chuan, "He finfiahna (demand survey) hi a thlawna kalpui mek a ni a, mimal leh pawl eng pawh, sorkar ruat a nih loh chuan demand survey hnuaiah pawisa khawn phal a ni lo a, a kaihhnawih thil engmah lo tih ve phal a ni lo," a ti.