Champhai VC ṭhenkhatin Mizoram sorkar hmalakna an thláwp

Champhai North leh South bial chhunga Congress V/C-te chuan thuchhuah siamin, Champhaia doctor dah belh tura sorkar hmalakna an thlàwp thu an tarlang a, "Sorkarin rua­hmanna chak tak MPSC kal­tlanga a siam hi rintlak leh inghahna tlakah kan ngai," an ti.

An thuchhuah chuan, Champhaia doctor dah belh a nih theih nan sorkarin hma a lak mek avangin Champhai mipui­te chu khua leh tui ṭha an nihna lantir a, sorkar ngenna anga sorkar hmalakna nghak hram hram turin an ngen a; May 3

aṭanga Champhai JAC-in lung­awi lohna an lantir tur chu an thlawp loh thu an tarlang bawk.

Press release-ah hian New Champhai, Electric Veng, Ruan­tlang, Zotlang, Vengthar, Chhungte, Kanan Veng, Zion Veng, Vengsang, Hmunhmel-

ṭha, Vengthlang North, Kahrawt leh Zote VCP ṭheuh hming tarlan a ni.

Champhai N & S Block Congress Committee pawhin thuchhuah siamin, Champhaia doctor dah belh tura sorkar hmalak mekna chu innghahna tlaka an ngaih thu an tarlang a, "Champhai mipuite pawh Mizoram sorkarin lamkal palaite hnena a lo chah ang takin, sorkar ruahmanna ngaichang thiam tur leh boruak ṭha lo lakah inthiarfihlim turin kan ngen a ni," an ti.