Khehpuam mûm 6,53,400 man

May 2, Nilaini tlai khan, Kolasib district-a Phaisen khuaah Force Traveller bus MZ-04 9910 aṭangin khehpuam (Pseudoephadin) ip 41, mûm 6,53,400 man a ni a, a neitua puhte man an ni bawk.

Thu dawn danin, kheh­puam an manna bus hi Lalchuangkima (27) s/o Lalmuankima (L), Ruantlang, Champhai khalh a ni a, Lalrinmawia (20) s/o D Muana Sai­hapui-K nena inkawp an ni. Bus hi Phaisen dàia kawng chhiaah a táng a; Phaisena IR police-te'n ringhlela an dapnaah Pseudoephadin ip 41 an hmu chhuak a ni.

Khehpuam leh a phurtute hi police-te chuan manin, Bilkhaw­thlir Outpost hnenah an hlan a; nimin khan Kolasib-ah lak leh an ni.

Damdawi an man hi mûm 6,53,400 zet a ni a, Mizorama ṭum khata man tam ber nia hriat a ni. Pausawmmuanga (25) s/o Dinkhawliana, Champhai chuan damdawi chu a ta nia chhálin, police kutah a inpe nghal bawk.