HSLC topper chawimawina hlan

MZP headquarters, Serchhip chuan nimin khan Serchhip Bazarah HSLC 2017-a pakhatna Laldin­tluanga s/o Lalengthanga, Serchhip Chhimveng chawimawina hun an hmang a, Serchhip DC Sangchin Chinzah-in a hmanpui.

Sangchin Chinzah chuan, Laldintluanga hlawhtlinna chu mi dang­lam bik a ni lo a, a hlawh­tlinna chu a taimak leh thuawih vang a ni tih sawiin, "Pathianin talent a pek hai chhuak turin theihtawp a chhuah a, a taimak leh thawhrim rah te, nu leh pa leh zirtirtute thu a awih rahte a seng a, a hlawhtling mai a ni,” a ti a; zirlaite chu taima taka thawkrim a, nu leh pa leh zirtirtute thu awih turin a chah.

HSLC topper chawi­mawina hunah hian MZP bakah, pawl hrang hrangin lawmpuina leh chawimawina an hlan a ni.