Mizoram Police leh Assam Rifles-in NLTF President an man

Assam Rifles leh Mizoram Police ṭangkawp chuan nimin khan Vaivakawn, Aizawlah National Liberation Front of Tripura (NLFT) president Jacob Hrangkhawl (55), Tripura an man.

Vanglaini thu dawn danin, Mizoram Police leh Assam Rifles hian an thu dawn bawhzuiin Jacob Hrangkhawl hi an man a, a kut aṭangin rálthuam man an nei lo. Vaivakawn Police Station-ah thu zawhfiah atan hrên a ni.

NLTF President hian Mizoramah thubuai a neih loh bakah, thil tihsual a neih loh avangin Mizoramah chuan thubuai siamsak a nih a rinawm loh a; Tripura Police-te zawn lai a nih angin, anni'n an rawn la tura ngaih a ni.

NLTF hi Tripura-a hel pawl lian tak ṭhin an ni a, an keh darh darh tawh avangin tun hma angin an lian tawh lo. Mizoramah chuan pawi khawihna an nei ngai lo nia sawi a ni.