Zirtirtu sawn duh loh lantirna poster eng emaw zat tár

West Lungdar khuaa Congress leh ZPM unit-te chuan an khuaa zirtirtu sawn duh loh lantirna poster eng emaw zat nimin khan an tár. Congress leh ZPM unit-te chuan, "Kan khawtlangah zirna kawnga hma kan sâwn mek laiin kan zirtirtute kan MLA Lalrintluanga Sailo-in sawn tura a vau hi kan duh loh avangin kan MLA hi a thu sût leh tura ngenna poster kan târ a ni. Zirtirtu sawn duh loh lantir nan flag dum kan tar bawk a, min hrethiam turin khawtlang mipui kan ngen a che u," an ti.