Union Minister hoin Mamitah CSS kalpui dan thlirho a ni

External Affairs minister of state V Muraleedharan chuan nimin khan Mamit district a tlawh a, Mamit khawpuia sorkar department hrang hrang hotute, khawtlang hruaitute leh tlawmngaipawl aiawhte nen CSS hnuaia project kalpui dan an thlirho.

V Muraleedharan chuan, Mamit district chu aspirational district a nih angin chawikan a mamawh tih a sawi a, official-te chu Mamit district chawikan nan plan leh target siama theihtawpchhuah turin a chah.

Inkawm honaah hian department hrang hrang hnuaia hmalakna leh an harsatna te an sawiho; harsatna an thlente chu Union Minister chuan a theih ang anga DoNER Ministry leh a kaihhnawih Ministry-ah thlen a tum thu leh sutkianpui dan a ngaihtuahpui tur thu a sawi. CSS beneficiaries-te’n harsatna an tawh hrang hrangte Union Minister hnenah hian an thlen nghal bawk.