EFCC Minister-in MPCB pisa a tlawh

Environment, Forest & Climate Change minister TJ Lalnuntluanga chuan January 30, Ningani khan Mizoram Pollution Control Board (MPCB) pisa a tlawh a, MPCB member secretary C Lalduhawma leh a thawhpuite'n lo dawngsawngin, thawktute nen MPCB mamawhte an sawiho.

TJ Lalnuntluanga chuan, MPCB hnathawh hrang hrangte thlirin, mi náwlpuiina an hriatpui loh hna tam tak mihring hriselna nghawng thei thil leh court case chenin thawktu tlémtêin an thawk chu ropui a tih thu a sawi a; an inpêkna fakawm a tih thu leh, thawktu tam zawk an neih theih dan tur a remchan anga 

ngaihtuah a inhuam thu a sawi bawk.

Minister leh MPCB hotute inkawmnaah hian, MPCB-in Sikulpuikawna Continuous Ambient Air Quality Monitoring Station (CAAQMS) an bun thar chu hun remchâng hmasa berah hawn ni se, an ti a; CAAQMS chu boruak dinhmun hmuha hriat nghal mai theihna tur thil ṭangkai a ni a, Mizoram hmasawnna pawimawh tak a nih thu an tarlang.

MPCB laboratory chu accredited laboratory a nih theih nán tihlena tihchangtlun a ṭul thu an lo hrilh chungchangah EFCC Minister chuan, hmun mamawh belh pawh chak taka ngaihtuahsak a tum thu a sawi. Minister hi EFCC secretary leh PCCF Dr CH Muralidhar Rao, MPCB chairman  ni bawkin a ṭawiawm a ni.