KHAWTHLIR

MLA Vanlalhlana chuan nimin zing khan a bial, Aizawl North-I huam chhunga Chaltlang Tatkawng Vengah anganwadi building thar a hawng. Vanlalhlana chuan, a bial chhunga anganwadi-te a ngaih pawimawh thu sawiin, "Inthlan dawna ka campaign-naah anganwadi building sak zawh ka tum thu ka sawi tawh a; thu chu tisaah chantirin, anganwadi building thar ṭha tak mai a lo piang ta a ni," a ti.

PWD chuan February 2, Pathianni zing dar 9 

aṭanga tlai dar 4 thlengin Sikulpuikawn leh Khatla kâwn inkar kawngpui, Peter Street thawm ṭhat hna an thawk dawn a, hei vang hian hna thawh hun chhungin he kawngpui hi khâr a ni dawn tih Traffic SP chuan a puang. Hna thawktute tibuai thei tura kawngpui sira lirthei leh bungrua dah phal a ni lo bawk.

SIPMIU, Aizawl chuan February 5, 2020 zing dar 9 aṭangin National Highway-54, Edenthar Veng (Zauthanga Enterprise) leh Hunthar Veng (Company péng) inkarah pipe an phûm dawn a, hei vang hian hnathawh tibuai thei turin kawngpui sirah lirthei leh bungrua dah phal a nih loh thu Traffic SP-in a tarlang. Kawnga lirthei khalhtute pawh fimkhur taka lirthei khalh tura hriattir an ni.

Bualpui (NG) Young Lai Association (YLA) chuan nimin khan Saiha District Hospital Blood Bank tan thisen unit 31 an pe a, a petute mipa 29 leh hmeichhia pahnih an ni.

Council of Minister thu-tlukna angin, Mizoram sorkar hnathawk group B (non gazetted) aṭanga group A, kum 2019 chhunga an thil neihte sorkara thehlut lo (pro­perty return thehlut lo)-te chu February 2020 

aṭangin an hlawh hrênsak a ni dawn.Vigilance department hotute hnen aṭanga thu dawn danin, property return thehluh hun hnuhnung ber chu nimin (January 31, 2020) kha a ni. Janua­ry 30, Ningani thleng khan property return mi 13,000 velin an thehlut tawh a, thehlut lo eng emaw zat an la awm.