Doctor diltu la awm lo

Mizoram Public Service Commission (MPSC) kaltlanga Mizo­ram sorkarin doctor 26 a lak turah dilna hun hawn ni tawh mah se, nimin chaw­hnu lam thleng khan dilna thehlut an la awm lo.

MPSC office aṭanga thu dawn danin, doc­tor lakna atana dilna, appli­cation form chu mi 20 velin an la chhuak tawh a, mahse, thehlut an la awm lo. Application form hi May 19, 2017 thleng thehluh theih a ni a; written exam awm loin, interview hmanga lak tur a ni.

Mizoram sorkar chuan doctor indaih loh zualna phuhrukna atan March 20, 2017 khan Health department chu doctor 26 lak a phalsak a ni.