Zirlai tiṭhate lawmpui

Lunglei DC Lalzar­mawii chuan, nimin khan a pisaah Lunglei district aṭanga kumin HSLC 2017-a top 10-a lang zir­lai pathumte hnenah lawmpuina a hlân.

Lalzarmawii chuan, zirlai naupang hlawh­tlingte chu thinlung taka a lawmpui thu sawiin, tuna an hlawhtlinna chu bul an ṭanna chauh a nih thu a hrilh a, "Nasa lehzuala ṭantirtu che u ni se ka duh. In tumah in chiang ang a, ṭan in la ang a, district leh kan ram tihmingṭhatu leh mi hlawhtling, mi dangte ṭanpuitu in nih ngei ka beisei," a ti.

Lunglei DC-in lawm­puina a hlante chu - Van­lalvenpui (5-na), Vanlal­liani Pachuau (6-na) leh Jacob R Lalmuanpuia (10-na) te an ni a, an pathum hian Holy Faith School zirlai vek an ni.