KHAWTHLIR

Larsapin lawmpui
Governor Lt.Gen. Nirbhay Sharma chuan HSLC pass thar zawng zawng a lawmpuiiin HSSLC pawh result ṭha tak a nih a beisei thu sorkar thuchhuah chuan a tarlang/ Governor hian HSLC leh HSSLC top 10 chin chu an nu leh pa leh an sikul principal-te nen lêngah sâwm a, lawmpuina thuchei leh pawisa pek a tum a ni.

Thisen pe
Chhipphir unit ṬKP-te chuan nimin khan Christian Hospital, Serkawn tan thisen unit 48 an pe a, a petute mipa 27 leh hmeichhia 21 an ni.

Judge chawimawi
Mizoram BAR Association (MBA) chuan, nimin tlai khan Aijal Club-ah Gauhati High Court judge atana ruat thar Nelson Sailo chawimawina hun an buatsaih.

Disaster Audit
Disaster Management & Rehabilitation department chuan, nimin khan Mamit DC conference hall-ah Disaster Audit, 2017 an nei a, Mamit DC Lalbiaksangi'n a hmanpui. Mamit DC chuan, DMR hotute chu chhiatna tuarte ṭanpuina tur sum DMR aṭanga awm thei ang ang ruahmansak a, hman mai theiha thuneitute kuta dah turin a ngen.

Kal hun siam
Electric Venga Lower Zarkawt kawngpui leh Hermon Street inkalpawhna kawng, Jubilee Road-ah lirthei kal hun siam thar a ni. He kawngah hian chhuk zawngin zing dar 8:00 - 8:30 inkar, chhun dar 11:45 - 12:00 inkar leh, chawhnu dar 2:30 - 3:00 inkarah kal phal a ni lo a; chho zawng chuan eng hunah mah kal phal a ni lo.