Serchhipa sumdawngte bûk lung enfiah

Serchhipa Legal Metrology department mite chuan, nimin khan Serchhip Bazar building-a chawhmeh zuarte bûkna hmanruate an endik.

Legal Metrology inspector Lal­sangzuala chuan Serchhip Bazara chawhmeh zuar mi 12-te chu an bûkna hmanrua endik a nih theih nan Legal Metrology pisaah a ko a; an bûk lungte uluk tak endiksak niin, siam rem ngaite an siam remsak. Bûkna hmanruate chu a ṭha thawkhat tih hmuh a ni.

Lalsangzuala chuan, Standard of Weights and Measures (Enforcement) Act, 1985 Section-24 Chapter VII-in a phût angin, sumdawngte bûkna leh tehkhawng hmanruate chu kum tin endika chhinchhiah tur a ni tih a sawi a, "Endiknaah hian fee pawh dan anga pek tur a ni a, endik loh hmanruate chu dan anga man theih niin, lung-in tàntir thlenga hrem theih a ni," a ti.

Lalsangzuala chuan, sumdawng an kohte thuawih taka an hmanrua endiktir ṭhinte chungah lawmthu a sawi a, thuawih lote chungah erawh dan anga hremna pek a nih tur thu a sawi bawk.