MPC-in MNF leh Congress hnâwl turin mipui sâwm

MPC party chuan Congress leh MNF party-te chu Mizoram siamna tur sum tichingpena eiru ṭhinah puhin, party pahnihte chu hnâwl tawh turin Mizoram mipui an sáwm.

MPC chuan, Congress leh MNF party-te chu eiruah an inpuh tawn reng tih sawiin, "Eirua inpuh tawnna uar taka Zoram mipui hriat­ah an puangzar fo hian corruption-ah an fihlim lohzia a tichiang hleah kan ngai," an ti.

Mizoramin buaina leh harsatna a hma­chhawn ṭhinna kawng tam takah Congress leh MNF mite chu sûlsutu leh meizang hlaptu-ah an inpuh tawn reng bawk tih sawiin MPC chuan, "Kan ram ṭhatna tura hmalakna veina tak tak aiin lalna leh thuneihna channa tur a nih dawn chuan sorkar bungrua a ni emaw, tharum hmanga engmah tihhreh nei lo an nihzia a tichiang hleah MPC chuan kan ngai," an ti a; MNF leh Congress-te chet dan chu rinna leh beiseina nghahna tlak a ni lo niin an sawi.

MPC party chuan, Mizoram, hnam leh kan sakhua himna tura kawng tinrenga an hmalaknate chu an chhunzawm zel dawn tih sawiin, "Kum 2018 inthlanpuiah eirukna leh hlemhletnaa tâlbuai Congress leh MNF party-te hnâwlin, MPC leh a thurualpuite'n hma kan lakna hi thláwpa Zoram thar siam turin mipui kan ngen a ni," an ti.