NEDP hnuaia kawng siam mek enfiah

NEDP sum hmanga Reformation and Camping Centre, Lawipu panna kawng thawm ṭhat mek chu nimin khan Planning adviser Lalrikhuma'n a tlawh a, hna thawh dan a enfiah.

Lalrikhuma chuan, NEDP hnuaia hnathawh chu a chhe thiang lo tih sawiin, "NEDP hnathawh viltu tur Monitoring Committee-in hun bituk neia review meeting a neih bakah, a tam thei ang ber a hmun ngeia kala endik zel tum a ni," a ti a; kawng hmang ṭangkaitu - quarry neitute leh lung phur ṭhinte chu dîm tak leh ṭha taka kawng enkawl tura a duh thu a sawi.

Reformation and Camping Centre panna kawng hi km. 1.92-a thui thawm ṭhat tum a ni a, a siam hna chu PWD-in thawkin, cheng nuai 48.46 ruahman a ni. Hna hi May thla chhung­a thawh zawh hman tum a ni.