Minister-in Book Fair a hawng

Maggie L Ralte leh Bookline ṭang­kawpin, Vanapa Hall-a Aizawl Book Fair an buatsaih chu nimin khan minister Lalsawta'n a hawng.

Lalsawta chuan, khawvel huap lehkhabu ṭha tak takte Aizawl Book Fair hmanga Mizoram mipuiin an chhiar theih tura chhawp hnaih a ni chu lawm­awm a tih thu a sawi a, "Hmasawnna thang chak tak karah mi náwlpuiin lehkhabu chhiar taimakna an tla­chham hret hret a. Lehkhabu hi khawvel hmasawnna tuartu a nih mai loh nan lehkhabu ngainat leh hlut nachang kan hriat thar leh a pawimawh a ni," a ti.

Book Fair hian May 17 thleng a awh dawn a, naupang, zirlai, ṭhalai leh upa lam chhiar chi lehkhabu pho chhuah niin, a man pangngai aia 10%-a tláwmin zawrh a ni.