Serchhip DC-in thawhpuiah sawm

Serchhip DC Sangchin Chinzah chuan nimin khan a pisaah an district-a thuthar thehdarhtute a kâwm a; ram leh mipuiah hmasawnna ṭha a awm zel theihna atan thawhpuiah a sáwm.

Sangchhin Chinzah chuan, thuthar thehdarhtute chu mipuite sûkthlêk siamsaktu an nih avangin an pawimawh hle tih a sawi a, "A ṭha zawng leh a chhe zawng pawhin mipuite hi an kaihruai thei hle. Hei vang hian Serchhip district MJA-te pawh a ṭha zawnga mite zirtirtu, ramin hma a sawn zel theih nana mipuite kawhhmuhtu in nih ka beisei," a ti.

Serchhip MJA president C Lalhminghlua pawhin thu sawiin, "Serchhipa hun eng emaw chen lo awm tawh, Serchhip hre chiangtu leh intineitu tak mai DC-a kan nei leh hi mipuite pawh an thlamuang hle," a ti a; inkawmhona hun a buatsaihsak avang leh MJA tana inhawng taka hna thawk duh mi a nihnaah DC chu lawm­thu a hrilh.