MADC inthlan Vote 84.34% a tla

Mara Autonomous District Council (MADC) inthlanpui chu May 4, 2017 khan tluang taka neih niin, harsatna lian awm loin mipuiin vote an thlak a; mi 31,421-in vote thlakin, vote tla percentage chu 84.34% a ni.

State Election Commission (SEC)-ina record danin, MADC-ah hian voter 37,254 awmin, mipa 17,967 leh hmeichhia 19,287 an ni a; mipa 15,194 leh hmeichhia 16,227-in vote an thlak a, vote thlaktu zawng zawng chu mi 31,421 an ni.

MDC bial 25 zingah Amotlah bialah vote a tla ṭha ber nia thu dawn a ni a, he bialah hian voter 929 awmin, vote 878 a tla a, chu chu 94.51% a ni. Polling station 80 zingah Amotlah biala Tipi Ferry khuaah vote tla ṭha berin, voter 195 zinga 191-in vote an thlak a, 97.95% vote a tla a ni.

MADC inthlana vote tlate hi May 8, 2017-ah chhiar a ni ang.