District Re-organisation Comtt. din avangin Khawzawl DIC an lawm

Khawzawl District Implementation Commi­ttee (KDIC) chuan thu­chhuah siamin, Mizoram sorkarin ram inrêlbàwlna leh hmasawnna ngaihtuaha District Re-organisation Committee (DRC) a siam chu lawmawm an tih thu an tarlang.

KDIC chuan, DRC chuan ram tana thil ṭha an rel chhuah a, awmze neia rawtna an siam an beisei tlat tih sawiin, "Khawzawl hi kum 30/40 kal tawh aṭang khan district headquarters atana ruahman a ni a, ruahmanna hi a hlawhtlinna beiseina sang tak nen kan thlir reng a ni. Mipui pawh hemi hlawhtlin theih nan kawng tinrengin kan inbuatsaih ṭhin," an ti.

An beiseinate chu a hlawhchham nia an hriat avangin an mangan thu tarlangin KDIC chuan, "Kan beiseina leh innghahna sokarin a siam thar leh hi kan lawm em em a, kan beiseina hi thlawnin kan ṭahna ngaia ṭah leh hi kan hlau hle a ni," an ti a; sorkar chu ruahmanna a lo siam tawh leh hmalaknate tihlawhtling ngei tura an beisei tlat thu an sawi.