Kolasib district himna tur sawiho

Kolasib DC Dr Arun T hoin nimin khan DC conference hall-ah an Kolasib district-a pawi­khawihna a tlem theih nan leh venhimna khauh zawka kalpui a nih theih nan thawhho dan tur sawihona, District Security Meet neih a ni.

Meeting-ah hian, dan bawhchhiatna leh pawikhawihna hrang hrang thleng ṭhin te, rûkrûk, pawngsual, tual­thah, in rawk leh ruihhlo do chungchanga hmalakna tur te, dan bawhchhiatna leh pawikhawihna tihtlem kawnga sorkar leh khawtlang hruaitute ṭanho dan turte an sawi a ni.

Inner Line Permit pek­chhuah kawngah, a pek chhuahna hmun Baira­bi leh Vairengteahte thawktute felfai taka lehkha vawng turin meeting-ah hian hrilh an ni. Meeting-ah hian Kolasib district-a sorkar official-te bakah V/C member-te leh YMA hruaitute an tel.