ZPM a sorkar chuan sorkar hmalakna chu mi tin thleng phâk a ni ang - Duhoma

ZPM leader Lalduhoma chuan nimin khan Bawngkawn South YMA Hall-a Aizawl North-I ZPM Block political training a hmanpuinaah thu sawiin, "ZPM a sorkar chuan sorkar hmalakna chu mi tin thleng phâk a ni ang," a ti.

Lalduhoma chuan, "ZPM a sorkar chuan sorkar hmalakna chu mi tin thleng phâk a ni ang. Corruption hluar nasa lutuk leh kan sorkar hrawn tawhte leh hrawn mekte'n sumdawn nan politics an hman nasat ang hi kan ti ve dawn lo," a ti a; Pathianin Mizoram mipui a hmangaiha a lainat avangin sorkar thar siam turin ZPM a buatsaih chho mek niin a sawi.

MNF leh Congress party-te chu hman bil tawh an nia sawiin Lalduhoma chuan, "Party sorkar hi mipui sorkar ngeia thlâk a hun tawh. Hruaitu pawimawhzia Zoram mipuiin an hre ṭan. Tuna India ram state ṭhenkhata hotu lu ber ṭhatna vanga an state hmasawnna chakzia hi Zoram mipuite'n an awt," a ti a; ZPM an sorkar huna an roadmap tur an duan zawh tawh thu a sawi bawk.