Kawng siam leh a nghawng enfiah

Champhai District Monitoring Committee member-te chuan nimin khan an chairman James Lalrinchhana, bawrhsap hoin Khankawn leh Zokhawthar inkar kawngpui World Bank Road siam an tlawh a, environment tichhe zawnga hmalakna a awm leh awm loh an enfiah.

Committee chuan kawng siamtu company Tarmat leh Sunshine Overseas-te hmalaknate an endik a, kawng siamin leilung, thing leh mau leh nungchate chênnaah nghawng ṭha lo a thlen em tihte an enfiah a ni. Leivûng paihna tura ruat spoil bank an endik a, tun dinhmunah lei laih a awm tawh rih loh avangin leivûng paihna ṭhinahte a duh duhin leivûng an paih loh nan a ṭul anga hmalak ni se, an ti.

Leivûng paihin Khawchhak Tuipui lui hnár lam kuang a tihzîmte chu a rang lama hâi fai turin company hotute an hriattir bawk.