PUC-in zirlai pass-te lawmpui

Pachhunga University College (PUC) chuan nimin khan an college auditorium-ah an college aṭanga graduate tharte lawmpuina, Felicitation 2022 an hmang.

Lawmpuina in­khawm­ah hian Mizo­ram University hnuaia Arts-a mark hmu sang ber Lalruatsanga, Depart­ment of Econo­mics hnenah HK Bawi­chhuaka Award hlan a ni a; Commerce leh Management-a Ch Lalram­zauvi hnenah Khawtin­khuma Award hlan niin, R Lalruat­sangi, Chemistry leh Remale Ruth Blessy, Biotech­nology-te hnenah Lenrual Hlui Award hlan a ni. Award hian thuchei leh Rs 15,000 a keng.

Subject topper-te hnenah Rs 2,000 ṭheuh, pahnihnate hnenah Rs 1,500 ṭheuh leh pathum­nate hnenah Rs 1,000 ṭheuh hlan a ni bawk.

PUC hian MZU Under­graduate Examination 2022-ah 95.6% pass result an nei a, rank holder zirlai 147 an awm.