Serchhip YMA-in kawng enfiah

YMA sub-headquarters, Serchhip hnuaia Vigilance & Monitoring Committee chuan UDPA department-in Serchhip P&E Veng leh Tlangnuam inkar kawng siam mekah sawiselna an dawn nual avangin nimin khan an enfiah. Kawng siam mek hi contractor chu C Darbiaka, New Serchhip a ni a, metre 190 vela thui tur a ni. An enfiahna aṭanga an hmuh danin, kawng siam mek chu a ṭha thawkhatah an ngai a, hmanruaah pawh sawisel tur an hmu lo tih an tarlang. Chutih rualin, kawng chhuat ṭhenkhat leh sawisel ngai awm dangte chu siam ṭha leh turin contractor an ngen a ni.