CM hoin MZU Southern Campus sawiho

Chief minister Zoramthanga chuan July 9, Inrinni zing khan Mizoram University (MZU) Southern Campus, Lungleia dinna hmun tur Pukpuia hmalak ṭul leh hmachhawp hrang hrangte sorkar hotute a sawipui.

Chief Minister hian MZU Southern Campus atana hman lailawk tura ruahman Pukpui Engineering College tlawh a tum a, mahse a panna kawng a ṭhat loh avangin a hmun an thleng thei lo a ni.

Pukpui Engineering College building hi MZU Southern Campus atan hman thuai anih theihna turin a panna kawng siamṭhat a ngaih bakah tui leh power supply-te ruahman a ngai a, heng mamawhte ruahman tura engineer-te'n plan an lo siam fel tawh angin hna thawhna tura a ṭul ang pawisa sanction nghal turin ruahmanna siam a ni a, Chief Minister chuan hna thawk ṭan nghal turin PWD, PHE leh P&E department hotute chu hriattirna a pe nghal a ni.

Chief Minister hi School Education minister Lalchhandama Ralte, Lunglei HPC vice chairman Lawmawma Tochhawng MLA, School Education secretary Dr Lalzirmawia Chhangte, Lunglei DC Kulothungan A leh mi pawimawh dangte'n an ṭawiawm a ni.