Vawiinah MADC vote chhiar dawn

May 4, 2017-a Mara Autonomous District Council (MADC) in­thlannaa vote tlate chu vawiin hian chawhma dar 10 aṭangin Siaha DC pisaah chhiar a ni dawn a; vote chhiarna tur counting centre-te buatsaih peih vek a ni tawh.

Thu dawn danin, MADC inthlana vote tlate chhiarna tur hian coun­ting centre-ah dawh­kan pariat dah a ni a; dawhkan tinah counting supervisor leh counting assistant pakhat ve ve awmin, vote an chhiar ang. Counting supervisor leh counting assistant-te chu Inrinni khan Siaha district-a master trainer Ramhluna'n EVM a taka hmangin vote chhiar dan tur a zirtir a ni.

Siaha DC Harleen Kaur, returning officer ni bawk chuan, vote chhiar chu chawhnu dar 2 velah zawh theih beisei a nih thu a sawi.

MADC inthlanah hian vote 84.34% a tla a; candidate 70 an awm a, INC candidate 25, MDF leh MNF ṭang dun candidate 25, BJP can­didate paruk leh indepen­dent-a zing mi 14 an ni.