Minister-in hlawh tur Rs. 5,00,000 a pe

Lungsen khuaa private higher secondary school din thar chu Inrinni khan bialtu MLA, minister Zodintluanga'n a hawng. Minister hian Lungsen HSS-a zirtirtute kum khat hlawh tur Rs. 5,00,000 a pe nghal.

Zodintluanga chuan, Lungsen mipuite chu private HSS din a hautak thu vawi tam takl a lo sawipui tawh tih sawiin, "Ram hruaitute chu awm loh cháng nei leh kei ngei pawh zan khat thil thuah ka nihna aṭanga awm lo thei ka ni. Khawtlang in inhuam a ngai ka ti ṭhin a, khawtlang mipui inhuamnaa HSS in din hi mipui inpekna a fakawm hle a ni," a ti.

A chunga rinna an nghah ṭhin vanga a lawm thu sawiin Zodintluanga chuan, a biala zirna leh thil danga hmasawnna turin theihtawp an chhuah thu a sawi a, "Kan bialah high school panga kan nei thar tawh a, UPS 20 chuang kan din tawh," a ti a; HSLC exam centre la nei lote tan hma an lak mek zel thu a sawi.

Lungsen HSS hi khaw­tlang thawhkhawm aṭanga din a ni a, pawl 12 admission hawng tawhin, zirtirtu panga an nei tawh a; Mizo, English, History, Geography, Political Science leh Education zirna a awm.

Minister Zodintluanga hian Lungsen HSS zirtir­tute kum khat (adacemic session khat) hlawh tur Rs. 5,00,000 a pe a; hemi chungchang-ah hian Lungsen MSU chuan thuchhuah siamin, lawmthu an sawi a ni.