Rashtrapati Scouts & Guides badge sem

Mizoram aṭanga Rashtrapati Scouts & Guides 2016-a tlingte hnenah May 4, 2017 tlai khan State Training Centre, Tanhrilah certificate leh badge hlanna hun hman a ni a, Rajya Puraskar sem nghal a ni.

Certificate leh badge-te hi India President-in Rashtrapati Bhawan-ah a lo sem tawh a, Mizoram aṭanga dawng turte chu New Delhi-a sem a nih laiin sikul lamah hun pawimawh nen a innan avangin kal thei an awm lo a; Bharat Scouts & Guides National Headquarters-in a remchan dan anga lo sem mai tura state heaquarters a hriattir angin, May 1-5 chhunga State Training Centre-a Scouts & Guides testing camp neihah an sem a ni.

Award semna in­khawm hi assistant state com­missioner Dr C Lal­lunghnema'n a kaihruai a; state chief commissioner leh Sports & Youth Ser­vices director Zo­than­mawia'n Rashtrapati Award dawngte hnenah cer­tificate leh badge a hlan.