Kawng khâr hun siam

Electric Veng Local Council leh Electric Veng Road Protection Squad chuan Electric Vengchung (Lower Zarkawt kawngpui) aṭanga Hermon Street panna kawng, Jubilee Road chu sikul naupang kal lai leh bàn laiin khar a ni dawn tih an puang. Electric Veng Road Protection Squad chuan, "He kawngah hian tun hnaia chetsualna thlengin, St. Marys' School naupang a boral a nih kha. Kha vanduaina thleng avang khan Electric Veng LC leh RPS chuan May 4, 2017 aṭang khan kawng hi sikul ṭan lai (8:00 am - 8:30 am) leh bân hun vawi hnih (11:45 am - 12:00 noon leh 2:30 pm - 3:00 pm)-ahte khar a ni a. Heti chung hian lirthei khalhtu tam takin ngenna zah loin, duty awm lai reng pawhin an bawhchhe duh a. Chuvang chuan, May 6-a LC leh RPS ṭhukhawm chuan kawng hi May 8, Thawhṭanni aṭangin sikul ṭan lai leh bân lai ṭum hnih chhung hian khalh ni se a ti a. Sikul naupangte himna tur a nih avangin mipuite hriatthiamna kan ngen nghal a ni," a ti.