Champhai JAC ṭhiah a ni

Champhai Joint Action Committee (CJAC) chu May 6, Inrinni khan an ṭhukhawm a, an district mipui mamawh zinga pakhat naupang lam doctor sorkara an dilna a hlawhtlin tak avangin, an din chhan zo tawhah an ngai a, chuvangin CJAC chu an ṭhiat.

CJAC chuan thu­chhuah siamin, hlawh­tlinna petu Pathian hnenah te, an mamawh an thlente an ngaihtuahsak avang leh zirlaite thubuai siamsak an nih loh avang te, an ngen anga remna palai thawktu Central YMA lakahte leh anmahni thlawptu Champhai mipui leh NGO hruaitute lakahte an lawm thu an tarlang.

Hmalakna an kalpui laia Champhai North leh South Congress bakah Champhai Congress VCP ṭhenkhate'n mipui lungrualpui theih lohna lam hawi thu an chhuah thu tarlangin CJAC chuan, "Hei hi pawi kan tiin rilru a na tak zet. Tun hnuah hetiang mipui huap issue a thleng leh a nih chuan lungrualna tichhe thei zawng chi thu reng reng political party emaw NGO ang pawhin chhuah tawh lo turin kan chah a ni," an ti.