MPC-in doctor dah lawmawm an ti

MPC party chuan thuchhuah siamin, Champhai khuain Champhai District Hospital-a naupang lam thiam doctor dah an phût tihhhlawhtlin nana Mizoram sorkarin doctor pali, a inchhâwka awm tura thupek a ti­chhuak chu lawmawm an tih thu an tarlang.

MPC thuchhuah chuan, Champhai District Hospital-ah doctor dah belh a ni chu lawmawm an tih thu a tarlang rualin, "Buaina leh harsatna zakhua a thlen hnu chauha khua leh tui­te mamawh phuhrûksak kher tum tawh loin, inbiak­na dawhkâna ching­fel ṭhin tawh turin sorkar kan phût a ni," a ti.

MPC party chuan, Mamit, Siaha leh Lawngtlaiahte pawh doctor mamawh thu sorkara an thlen fo tawh avangin, tihhlawhtlinsak thuai tur­in Mizoram sorkar an phût bawk.