Inkhàrkhip thlahdul deuh Central YMA-in ṭha a ti

YMA Central Exe­cutive Committee (CEC) chuan, July 2020 aṭang chuan ném deuh zawka Mi­zo­rama inkhàrkhip (partial lockdown) ṭha an ti.

Vanglaini palai zawh­na chhangin CYMA president Vanlalruata chuan, inkhàrkhip tihtâwp chu an la ngam loh thu sawiin, "Mipui mimir eizawnna dinhmun ngaihtuahin Covid-19 laka kan himna tur ngaihtuah chunga tlema ném deuh zawka inkhàrkhip ṭha kan ti. Ramri khauh zawka vèn zel te, social distancing ngaih pawimawh leh puipunna buatsaih rih lohte chu kan la duh," a ti.