Champhai district-a lirthei neitute'n Dan loa bungraw lut an dang dawn

Champhai District Lirthei Inzawmkhawm Pawl (CPDLIP) chuan July 13, 2022 (Nilaini) zing dar 6 aṭangin Myanmar aṭanga dan loa bungraw lut zawng zawng dan an tum.

Vanglaini palai zawhna chhangin CPDLIP hruaitute chuan, kuhva rah phurte'n contraband an phur tel nia hriatna a awm ṭhin tih sawiin, "Hetiang a nih lai hian kuhva rah heti zat man tawhah hian contraband thil vawi khat mah hmuh a la awm lo," an ti.

CPDLIP hruaitute chuan, kuhva rah do tlat chu sumdawnnaa inîtsîknaa an ngaih thu sawiin, "Champhai sumdawngte îtsîknaah kan ngai tlat," an ti a; kuhva rah kher lo pawh dan loa Myanmar aṭanga rawn lut tam tak a awm thu an sawi.

Myanmar aṭanga dan loa Mizorama lut zawng zawng chu thil dik lo a nih vek thu sawiin CPDLIP hruaitute chuan, "Kuhva rah leh thil dang, dan loa rawn lut hrim hrim chu a lian a tê thliar loin kan dang vek dawn. Dan loa rawn lut ṭheuh ṭheuh chu ABC thleng pawhin dan kan tum," an ti.