Guwahati Mizoram House-ah Inthlahrung lo turin chah

Guwahati Mizoram House-a deputy resident commissioner (DRC) Donny Lalruatsanga chuan thuchhuah siamin, Mizoram House pan inthlahrung lo turin Mizo mipui a chah.

Guwahati DRC chuan, zirlaite leh khualzinte ṭawngkam aṭangin, zirlai hmun danga awmte'n chawlh hmanga Mizoram pana an haw kawngah Guwahati chu rel/bus/maxicab, etc. hmangin zan tlai tawh takah an thlen ṭhin tih an hriat thu a tarlang a, "Hotel hriat loh leh him lote inthlahrun vanga pan mai awm theih a ni," tiin, hotel pan ai chuan, Mizoram House chu Mizo mipuite tan a nih hriaa zan reiah pawh inthla­hrung loa pan turin Mizo mipuite a hriattir a ni.

Guwahati-a harsatna neite chu telephone number - 0361-2529411, 9435548297 (DRC) leh 9436148336 (ARC)-ahte be turin a chah bawk.