Zirtirtute zirna kalphung thar zirtir

Zirna kalphung thar Connected Learning Initiative (CLIx) hnuaia hmalakna zelah nimin khan high school-a science, mathematics leh english zirtirtute tan District Level Face to Face Training buatsaih a ni a, DIET principal Lalnuntluanga Hnamte-in a hawng.

CLIx project hi Tata Trusts-in bultumin state hrang hrang pali Chhattisgarh, Rajasthan, Telangana leh Mizoramah te bul ṭan a ni. Science, mathematics leh english-a secondary school zirlaite hmasawnna tura hmalakna niin zirtirtute training buatsaih ṭhin a ni.

Training-a tarlan anih danin, CLIx hmalakna avang hian sikul naupangten computer hmanga an zirlai zirin nuam an tih mai bakah mahni a zirlai zir dan an thiam tawh hle a, sikul kal nuam an tih phah hle a ni. He project hi MZU chuan a enzui hna an thawk.