NEDP purûn sen hralh chhuak

Mizoram sorkar policy thar, New Economic Development Policy (NEDP) hnuaia Agricultue department-in purûn sen an chin chu nimin aṭang khan Agriculture Directorate-a Centre Store-ah kg. khat Rs. 30-a hralh ṭan a ni.

Sorkar thuchhuah tarlan danin, NEDP hnuaiah hian district paruka ram acre 240-a zauah purûn sen chìn a ni a, nimina an zawrh chhuahte chu Thingdawla Agriculture Farm-a chìnte niin, Bhima Shakti variety a ni.

Khaw awm danin a zirh loh avangin kumina purûn sen chìnte chu an duh angin a thar tam thei lo a, mahse, nasa zawka chìn chhunzawm an tum. Sorkar rua­hman angin, kum 2017-18 chhungin ram zau zawkah purûn chíng tura hmalak a ni a, district tinah a chíngtu turte thlan mek niin, May thla chhunga tihfel hman beisei a ni.