PRRS vangin vawk 7,389 thi

Kum 2013 aṭanga 2016 chhung khan Mizoramah vawk pûl hri, Porcine Reproductive and Respiratory Syndrome (PRRS) vangin vawk 7,389 an thi.

AH&Vety department chhinchhiah danin, PRRS hi March 2013 khan Mizoramah hriat ṭan a ni a, hemi kum hian vawk 3,806 a thi. Kum 2014 leh 2015 chhung PRRS natna hmuh a nih loh hnuah, April 2016 khan Champhai district-ah hmuh ṭan leh a ni a, a hnuah Serchhip, Lung­lei, Siaha, Lawngtlai leh Aizawl district hmun ṭhenkhat hmuh leh a ni.

Kum 2016 chhung khan PRRS vangin vawk 3,583 a thi a; kum 2013 aṭanga 2016 thlenga PRRS vanga vawk thi hlut zawng chu tualchhung rate angin cheng nuai 727 chuang a ni.