Pastor retreat nei mek

May 9, Thawhlehni zan khan Aizawl Theological College-ah Mizoram Synod hnuaia Pastor Retreat ṭan a ni a, nakzan thleng a awh ang.

Pastor Retreat-ah hian Synod hnuaia thawk mek pastor leh minister-te bakah pension tawhte telin, mi 424 an tel a, chu'ng zinga 263 chu an riak lut a ni. Retreat-ah hian mi hrang hrangin thupui insemin thuchah an sawi ṭhin a; pastor rawngbawlna kaihhnawihah zawhna leh chhanna hunte hman a ni.

Synod Pastor Retreat hi kum 1967-a ṭan a ni a, kum 1990 aṭangin kum khat kâr dana tih ṭhin a ni.