Exam thei lo MZP-in pawi ti

MZP chuan, May 7, Pathiannia National Eligibility cum Entrance Test (NEET) Examination 2017 neih takah Higher & Technical Education department hnuaia Technical Wing-in online hmanga form an fill-up sakte zingah mi pangain admit card an neih loh vangin exam-naah an luh ve phalsak an ni lo tih an tarlang a; pawi an tih thu leh an hriatthiam loh thu an sawi.

MZP thuchhuah chuan, exam thei lo zirlai pangate hian HTE Technical Wing-ah fee an pe ngei nia sawiin, "Mizorama exam vengtu lo kalte'n confirmation paper an phuahchawp niin kan hria a, zirlaite chunga sum duh vanga harsatna thleng hi kan hrethiam thei lo," a ti. Thil dik lo titu chhui chiang­a dan anga hrem turin thuneitute an phût a ni.