Land survey kalpui dan thlirho

Land Revenue & Settlement (LRS) minister Lalruatkima hoin nimin khan a pisaah SEDP hnuaia Saitual district land survey neih meka hna kalpui dan leh hma­lak­nate thlirho a ni. Survey hna hi Buannel Geo Solution & Services-in cheng nuai 52.81 séngin an thawk a, 50-60% vel an zo tawh.

LRS department chuan Mizoramah land record mumal a awm theih nan SEDP hnuaiah land survey a kalpui a; nimina ṭhutkhawmah hian, Saitual district land record mumal tak siam a nih theih nan survey hna enpuia vil turin LRS directorate aṭangin officer tirh ni se, a ṭul anga enpui turin Saitual DC ngen ni se, an ti.

Saitual district bak­ah district thar dang - Khawzawl leh Hnah­thialah pawh survey neih tur a ni a; Khawzawl leh a chhehvel khaw 13-ah survey neihna turin SEDP aṭangin cheng nuai 95.80 tihfel a ni tawh a, kumin October-ah hna ṭan tum a ni.

Minister Lalruatkima chuan, district hrang hranga land record mumal tak siam chu ram neitute leh sorkar tan a pawimawh thu a sawi.