CSS hnuaia hnathawh thlirho

Lawngtlai District Development Coordination and Monitoring Committee (DISHA) chu an chairman C Lalrosanga, Lok Sabha MP kaihhruaiin nimin khan Lawngtlai DC conference hall-ah an ṭhukhawm a, sorkar laipui sum hmanga (centrally sponsored scheme) hmasawnna hnathawh dan leh hmachhawpte an thlirho.

C Lalrosanga chuan, DISHA chu ram hmasawnna tura sorkar ruahmanna hrang hrang tihhlawhtlinna tura ṭha zawka hna thawh a nih theih nana mipui aiawha thlan chhuah te, hna kalpuitu sorkar hnathawk leh tlawmngai pawlte nena inràwn khawmna leh sawihona hmun pawimawh a nih thu a sawi a; hmasawnna hna hrang hrang enkawltu leh viltute chu ṭan lak ngaihna lai leh ngaih pawimawh lai turte zir thar nan hman thiam tum turin a chah.