HSSLC 2017-ah 76.80% an pass

12th May, 2017

Mizoram Board of School Education (MBSE) chuan nimin chawhnu dar 2 khan Higher Secondary School Leaving Certificate (HSSLC) Examination 2017 result a tichhuak a; zirlai exam 10,801 zinga 8,086-in an pass. Pass percentage chu 74.86 a ni a, kum 2015-a pass percentage 76.80% aiin a hniam.

HSSLC 2017-ah hian distinction-ah mi 297, first division-ah mi 1,887, second division-ah mi 2,601 leh third division-ah mi 3,301 an pass a; fail mi 2435 awmin, compartmental chance nei mi 280 an awm. Zirlai pass vekna sikul 24 an awm laiin, zirlai fail vekna sikul pakhat a awm thung.

Arts stream-ah zirlai exam 8,138 zinga 5,952 (76.62%) an pass a, mi 1,970 an fail. Distinction-ah mi 148, first division-ah 1,016, second division-ah 1,782 leh third division-ah 3,006 pass in, compartment chance nei mi 216 an ni.

Science-ah zirlai exam 1,919 zinga 1,562 (81.40%) an pass a, zirlai 322 an fail. Distinction-ah mi 121, first division-ah 669, second division-ah 636, third division-ah 136 pass in, compartment chance nei mi 35 an awm.

Commerce-ah zirlai 457 zinga 389 (85.12%) an pass a, zirlai 58 an fail. Distinction-ah mi 18, first division-ah 83, second division-ah 135, third division-ah 153 an pass a; compartment chance nei mi 10 an awm. Vocational subject hrang hrangah zirlai 287 zinga 183 (63.76%) an pass a, mi 84 an fail. Distinction-ah zirlai 10, first division-ah 119, second division-ah 48, third division-ah paruk an pass a; compartment chance nei mi 19 an awm bawk.

Vocational subject-te hi - Computer Technique, Computer Sofware Application, Commercial Garment Designment & Making, Horticulture, Medical Laboratory Technician, Automobile Engineering Technology, Sericulture leh Office Secretaryship-te a ni.

Arts stream-ah hian sorkar sikulah 70.39%, deficit school-ah 86.44%, aided school-ah 78.39%, lumpsum school-ah 78.75% leh private school-ah 73.86% an pass a; private candidate zinga 44.57% an pass. Science-ah chuan sorkar sikulah 68.50%, deficit school-ah 92.52% leh private school-ah 84.71% an pass a; private candidate zinga 44% an pass bawk.

Commerce-ah chuan sorkar sikulah 78.63%, deficit school-ah 90.85% leh private school-ah 85.71% an pass a; private candidate 55.56% in an pass a ni.

HSSLC 2017-a TOP 5
Rank Hming School
ARTS
1. Lalrinzuali Home Missions School
2. Lalramluahpuii Ngente Synod HSS
3. Hmingthanpari Sailo Calvin HSS
4. VL Sawmzeli Oikos HSS
5. Rinsangzuali Sailo Boston HSS

SCIENCE
1. Zomuansangi St.Paul's HSS
2. Samuel Malsawmzuala St.Paul's HSS
3. Himardi Das St.Paul's HSS
4. C Lalhriatchhungi St.Paul's HSS
5. Valalchhuanga Mt. Carmel School

COMMERCE
1. Joseph Vanlalrema Oikos HSS
2. K Lalhmingchhuanga St. Joseph HSS
3. Daniel Zomuana Bajaj St.Paul's HSS
4. Vanlalruata St. Joseph HSS
5. Soni Kumar St.Paul's HSS

VOCATIONAL
1. R Zosangpuii Mamawii HSS
2. Lallawmkimi Govt. Central HSS
3. Malsawmdawngi Khawzawl HSS
4. K Lalramdinzeli Baptist HSS
5. Lalhmingliani Govt. Central HSS