AMC-in Swachhata Drive an hmang

Aizawl Municipal Corporation (AMC) chuan nimin khan an pisa­ah Swachhata Drive an hmang. He hunah hian Aizawl khawpuia faina lam hawia thawh hlawk mimal leh pawl 11 leh Aizawla khawpui phiat ṭhin (sweeper) ṭha mi paruk hnenah chawimawina leh lawmpuina an hlan. Chawimawina hian thuchei leh Rs. 2,000 a keng a ni.

Swachhata Drive hmannaah hian AMC secretary Ethel Rothang­puii chuan, Aizawl khaw­pui faina atan ṭhahnem­ngai taka thawk zel turin lawmman dawngtute a chah a; an hna thawhhna hmun chauh ni loin, an in leh a vel tihfai kawngah pawh mi dangte entawn tlaka thawk thin turin a fuih.

Inkhawmah hian Miss Mizoram Rody H Vanlalhriatpuii pawh telin, tun hnaia Ministry of Urban Development (Swachh Bharat Mission) aṭanga AMC-in 'Swachh City Award a dawn chu mipui hmuh turin a pho lang a; Aizawl khawpui enkawltute'n Swachhata Oath (Faina Thutiam) an neih chu a kaihruai bawk.

Aizawl khawpui phiattu zinga ṭha zuala thlante chu - Khianghluni, Lalhmingliani, Lal­thangliani, Zarzoliana, Thanhliri leh Ramnun­sangi te an ni.

Faina lam hawia thawh hlâwk an thlante chu - NK Zama, Laipui­tlang; Missionary Trai­ning College; NCZ Wel­fare, Dawrpui; Tlang­hming­thanga, Republic Veng; PC Lalrinngheta, Ramhlun Venglai; Mizo Hnamro Chawisang Pawl; C Sangkhuma, Leitan; Zohmingliani, Chaltlang; Republic Vengthlang Sani­tation Committee; Lal­chhanhimi, Khatla leh Clean Tlangnuam-te an ni.