Mizoramah International Nurse Day hman a ni

Nimin May 12 kha International Nurse Day a ni a, Mizoram hmun hrang hrangah nurse-te'n hlim takin an hmang. Thupui chu 'Nurses: A voice to lead: Achieving sustainable development goals' tih a ni.

International Nurses Day hi Aizawlah chuan Trained Nurses Associa­tion of Mizoram (TNAI) buatsaihin Aizawl Civil Hospital conference hall-ah hman a ni a, nurse pen­sion tawh Than­dingliani, deputy director (Nursing) hlui chu khuallian a ni.

Lungleiah chuan Nurses Day hi TNAI sub-headquarters huaihawtin Christian Hospital Nursing School auditorium-ah hman a ni a; Lunglei Nursing School-a tutor Lalrin­tluangi'n thupui a sawi.

Lalrintluangi chuan, nurse hna chu eizawn­na piah lamah Pathian rawngbawlna pawimawh tak a ni tih sawiin, mipui vantlang hriselna atana hna an thawhna chu a thlawn lo tih tih hriaa thawh a pawi­mawh thu a sawi a ni.

Lungleia Nurses Day hmannaah hian Lunglei khawpuia damdawi-in pangaa nurse-te an tel a; chawhnu lamah Lunglei District Legal Services Authority kaihhruainain legal awarness campaign an nei a ni.

Synod Hospital-ah chuan nursing superin­tendent R Lalchhanhimi kaihhruaiin hman a ni a, State Referral Hospital-ah pawh hman a ni. Greenwood Hospital chuan Sericulture directorate-ah a thlawna BP enna hun an buatsaih a, mi eng emaw zatte BP an endiksak. Aizawla private hospital-te leh district hrang hranga damdawi-inte pawhin Nurses Day pual hian hun an hmang bawk.