Damlo enkawlna dan zirho

Lunglei Chief Medical Officer hnuaia District Registering Authority chuan nimin khan Cultural Heritage Centre-ah 'Sensitization workshop cum online registration training under Clinical Establishment (Registration & Regulation) Act, 2010' an buatsaih.

Lunglei CMO Dr VLMS Dawngliana chuan, Clinical Establishment Act-in a tum ber chu, damlote ṭha taka enkawl a nih thu a sawi a, "Damdawi-in zawng zawnga clinic leh laboratory-te chu sorkar­ah mumal taka register turin a phût a ni," a ti.

Zirhonaah hian Clinical Establishment Act state leve coordinator Dr Linda Lalbiaktluangi'n online registration chungchang leh Clinical Establishment Act pawimawhnate a lem nen a sawifiah a; Lunglei district-a PHC-a medical officer-te leh private hospital, clinic leh laboratory-a hotute an tel a ni.