Vaihlo hluar tur ven dan tur rél

Mamit District Level Task Force (Tobacco Control) leh Anti Tobacco Squad (ATS) chu nimin khan Mamit DC conference hall-ah bawrhsap Lalbiaksangi hoin an ṭhu a; Mamit district-a vaihlo hluar zel tur ven dan tur an rel.

Meeting-ah hian kum 2016-17 chhunga hlawhtlinnate tarlan a ni a; squad drive vawi 55 neih niin, dan bawhchhia­te sum chawitir aṭangin Rs. 4,040 hmuh a ni. Sum hmuhte chu Mamit Treasury Office-ah chhun luh vek a nih thu an tarlang.

Kum 2016-17 chhung­in COTPA kaihhnawihah training vawi 12 buatsaih a ni a, sikul 40-ah awareness campaign an nei. Mamita sikul pali - Luangpawla Agape Middle School, Charkawn M/S-I, Field veng M/S-II leh Dinthar M/S-III te chu Tobacco Free School-ah puan a ni.