Synod-in chhawmdawlna pe

Mizoram Synod chuan tun hnaia Mizoram hmun ṭhenkhata chhiatna tuartute hnenah Synod Relief Fund aṭangin chhawmdawlna Rs. 1,32,000 a pe chhuak a; April thla chhung khan chhawmdawlna Rs. 4,92,000 a pe chhuak a ni.

Tun hnaia chhawmdawlna a pekte chu - Kolasib Venglaia thlipui tuartu chhungkaw pakhat hnenah Rs. 8,000, Saihapui-V khuaa rialin in a den chhiat neitu chhungkaw 10 hnenah Rs. 60,000 leh Phainuama rialin thlai a tihchhiat chhungkaw 16 hnenah Rs. 64,000 a ni.

Synod hian April 2017 chhung khan Synod Relief Fund aṭangin kângmei tuarte hnenah Rs. 66,000, thlipui tuarte hnenah Rs. 3,82,000, damlote hnenah Rs. 38,000 leh khawsak harsate hnenah Rs. 6,000 a pe chhuak bawk.